Námskeið og fræðsla

Útlitsflokkun og styrkflokkun Námskeiðið er um gæði timburs í útliti og styrk ætlað ölum sem vinna með timbur Markmið þess er annars vegar að nemendur læri hvernig velja á timbur í réttum gæðum fyrir tiltekna notkun og hins vegar hvernig það er flokkað eftir styrkleika. Einnig hvernig eigi að umgangast á timbrið og verja það gegn veðrun. Í námskeiðinu verður fjallað um timbur unnið úr barrvið og hvernig það er notað í byggingum. Farið verður yfir hvernig timbur er valið og varðveitt og hvaða kröfur er gerðar til gæða þess út frá notkun og byggingarhlutum. Eins verður fjallað um aðferðir til að meta gæði timburs, þ.e. hvernig timbur er flokkað eftir útliti fyrir burðavið eða vélflokka, hvað stýrir tlitsflokkun fyrir byggingartimbur og hvernig efnisgallar eru metnir og áhrif þeirra á gæðaflokkun. Námskeiðið fer að öllu leyti fram á netinu. Fyrir þau sem vilja öðlast réttindi til að styrkflokka timbur verða haldin próf í húsnæði Iðunnar. Í prófunum er farið í gegnum búnt af óflokkuðu timbri og þátttákendur styrkflokka það. Námskeiðsgögn eru þessi: Fyrirlestrar Eiríks Þorsteinssonar á myndböndum. Gæðafjalir - viðskiptaflokkun á timbri úr barrtrjám Styrkflokkun timburs Rb blað RBHi 1.01.2 – 1998

Farið er yfir hlutverk öryggistrúnaðarmanna, öryggisvarða og öryggisnefnda á vinnustöðum. Vinnuverndarlögin og reglugerðir um vinnuverndarmál eru kynnt. Farið er yfir helstu málaflokka vinnuverndarinnar, s.s. líkamsbeitingu, efni og inniloft, vélar og tæki, umhverfisþætti eins og t.d. hávaða og lýsingu og sálfélagslegt vinnuumhverfi, einelti og áreitni. Farið er ítarlega yfir áhættumat starfa en það er helsta hlutverk öryggistrúnaðarmanna og öryggisverða að framkvæma það og fylgja því eftir.

Á námskeiðinu verður farið í bilanagreiningu, slitmælingar, pinnasuðu, mig/mag-suðu, tig-suðu, logsuðu og kveikingu. Einnig verður farið yfir gömul próf.

Á þessu námskeiði er farið í mikilvægi þess að nýta samfélagsmiðla í kynningarstarfi. Farið verður í uppsetningu og rekstur herferða í Facebook Business Manager og uppsetningu á Facebook Pixel. Auglýsingakerfi Facebook er notað til að birta auglýsingar og herferðir á ýmsum samfélagsmiðlum, svo sem Facebook, Instagram og Tik Tok.

Þetta námskeið er ætlað þeim sem sem eru að útbúa nýjan garð eða gera breytingar á eldri garði. Einnig þeim sem koma að hönnun og framkvæmdum í görðum. Farið er yfir helstu mannvirki i görðum svo sem sólpalla, skjólgirðingar, hellulagnir, hleðslur, smáhýsi, heita potta o. fl. Farið er í gegnum hvaða forsendur liggja að baki hverri framkvæmd eins og staðsetning, undirlag, efni og annað og hvað þarf að hafa í huga í ferlinu. Einnig eru kynntar reglur sem gilda um hvers konar mannvirki í görðum.

Á þessu námskeiði er farið yfir OneDrive og helstu aðgerðir en þar kynnumst við hvernig skýjalausnir halda utan um gögnin og hvar við getum nálgast þau. Með Teams fáum við tækifæri að nýta okkur þessa frábæru lausn til samskipta og sækjum gögn frá t.d. OneDrive.