Námskeið og fræðsla

Þetta námskeið er fyrir húsasmíðameistara sem eru með gæðakerfi og þá sem hyggjast koma sér upp slíku kerfi. Tilgangar þess er að auka skilning þátttakenda á uppbyggingu og hlutverki gæðakerfa og hvernig virkniúttekt er framkvæmd á þeim. Farið er í gegnum gæðakerfi sem sniðið er að þörfum húsasmíðameistara og helstu þætti í virkni þess. Gerð er grein fyrir helstu kröfum sem gerðar til úttekta sem fara fram á framkvæmdatíma. Farið er í gegnum ferli virkniúttektar sem framkvæmd er á vegum Húsnæðis- og mannvirkjastofnunar og hvaða atriði þurfa að vera í lagi þegar hún fer fram. Námskeiðsgögnin geta nýst sem grunnur að gæðakerfi. Leiðbeinandi á námskeiðinu er byggingarstjóri og iðnmeistari og hefur sjálfur farið í gegnum virkniúttektir á eigin gæðakerfum

SKRÁ MIG Nánari upplýsingar

Þetta námskeið er fyrir byggingarmenn sem þurfa að fást við raka og myglu í húsum. Markmið þess er að þátttakendur afli sér þekkingar á þessu sviði til að fást við vandamál sem stafa af völdum raka og myglu. Á námskeiðinu verður fjallað um raka í húsnæði og myglusveppi sem iðulega fylgja viðvarandi raka í byggingarefnum. Farið verður yfir helstu galla á byggingarfræðilegum lausnum og helstu mistök við byggingu húsa sem orsaka leka- og rakavandamál í húsum og hvernig megi koma í veg fyrir þau.

SKRÁ MIG Nánari upplýsingar

Þetta námskeið er fyrir alla iðnaðarmenn og verktaka í bygginga- og mannvirkjagerð. Tilgangur þess er að fræða þátttakendur um vistvænar byggingarvörur allt frá málningu, raflagnaefni, niðurföllum, upp í burðarefni bygginga og hvar er hægt að nálgast upplýsingar um þær. Fjallað er um sjálfbærni og hvað gerir byggingarvörur vistvænar og á hvaða forsendum. Farið er yfir kröfur til byggingarefna sem gerðar eru í vottunarkerfum um vistvænar byggingar. Fjallað er um hvar hægt er að nálgast upplýsingar og hvernig skuli lesa úr þeim skjölum. Kynntur verður vefurinn ​vistbok.is sem er miðlægur vettvangur með umhverfisvænni byggingarvörur þar sem hægt er að leita að vörum og nálgast upplýsingar og skjöl í vistvottuð verkefni s.s Svaninn og Breeam.

SKRÁ MIG Nánari upplýsingar

Þetta er námskeið fyrir byggingamenn sem vilja kynna sér nýungar í þéttiefnum. Markmið þess er að þátttakendur fái góða yfirsýn yfir nýjustu efni og aðferðir við notkun þéttiefna. Fjallað er um efni, verkfæri og áhöld og fá þátttakendur að prófa þéttiefnin.

SKRÁ MIG Nánari upplýsingar

Þetta námskeið er fyrir iðnmeistara, byggingarstjóra og aðra sem ætla að byggja eða gerast ábyrgðarmenn Svansvottaðra bygginga. Tilgangur þess er að fræða þátttakendur um ferlið og hvað þarf að gera til þess að fá byggingu Svansvottaða. Meginmarkmið Svansvottunar er að draga úr umhverfisáhrifum bygginga, sporna við hnattrænni hlýnun og vernda heilsu þeirra sem koma að verkinu á framkvæmdartíma sem og íbúa byggingarinnar á notkunartíma. Námskeiðið er haldið í samvinnu við Svaninn á Íslandi.

SKRÁ MIG Nánari upplýsingar

Þetta námskeið er nauðsynlegt fyrir alla starfsmenn á byggingarvinnustöðum. Markmið þess er að kenna þátttakendum viðbrögð við slysum. Fjallað er um undirstöðuatriði skyndihjálpar og endurlífgunar og þátttakendur fá þjálfun í að veita aðstoð í bráðatilfellum. Farið er yfir hvernig beita megi á öruggan hátt einföldum aðferðum í skyndihjálp. Að loknu námskeiði fá þátttakendur skírteini frá Rauða krossinum.

SKRÁ MIG Nánari upplýsingar

Þetta námskeið er fyrir dúklagningamenn, múrara og trésmiði sem leggja efni á gólf. Markmið þess er að þátttakendur viti hvenær óhætt er að leggja á ný gólf. Farið í útþornun steyptra gólfa, hvaða þættir hafa áhrif á útþornun, bæði hlutefni steypunnar og þau ytri skilyrði sem hafa áhrif á steypuna útþornunartímanum. Farið er í helstu aðferðir við mælingar á raka í steypu, kosti þeirra og galla.

SKRÁ MIG Nánari upplýsingar

Þetta námskeið er fyrir starfsmenn verktakafyrirtækja, iðnmeistara, hönnuði og aðra sem annast val og innkaup á byggingarvörum. Tilgangur þess að þátttakendur kunni skil á CE merkingum á byggingavörum, reglur um þær og geti hagað innkaupum í samræmi við þær.

SKRÁ MIG Nánari upplýsingar

Þetta námskeið er fyrir alla sem vilja læra að byggja hús ur Durisol kubbum. Tilgangur þess er að kynna þessa nýjung á Íslandi sem á að baki 80 ára reynslu víða um heim. Fjallað verður um gerð og framleiðslu kubbanna sem eru vistvænir og eru framleiddir að mestu úr endurunnu efni. Farið verður í ýmsa eiginleika eins og brunaþol, þol gagnvart raka og myglu, hljóðvist og einangrunargildi. Fjallað verður um aðferðir við byggingu húsa úr kubbunum og kynntur kostnaður. Hluti námskeiðsins er verklegur þar sem þátttakendum gefst færi á að meðhöndla kubbana og byggja úr þeim. Námskeiðið er haldið í samvinnu við PAGO HÚS ehf.

SKRÁ MIG Nánari upplýsingar

Námskeiðið er ætlað fólki sem starfar á framkvæmdasvæðum og við aðrar aðstæður þar sem unnið er í hæð. Markmið þess er að auka þekkingu þátttakenda á hættum við vinnu í hæð og kenna þeim að nota réttan fallvarnarbúnað. Þannig verði stuðlað að fækkun óhappa og vinnuslysa. Fjallað er um vinnu í hæð og tekin dæmi um hættulegar aðstæður. Farið er yfir notkun á viðeigandi fallvarnarbúnaði og aðrar forvarnir til að verjast fallslysum. Einnig verður fjallað um viðbragðsáætlanir til að tryggja öryggi starfsmanna.

SKRÁ MIG Nánari upplýsingar

Námskeið þetta er ætlað iðnmeisturum og byggingarstjórum. Á námskeiðinu verða allir fullfærir um að halda utan um eigin úttektir og alla verkferlaskráningu eigin verka sem og utanumhald allra gagna er viðkoma verkinu. Það verður farið yfir á mjög einfaldan hátt hvernig hægt er að framfylgja því sem stendur í lögum um eigin úttektir með stafrænum verkfærum. Sýnt verður á mjög einfaldan hátt hvernig úttektir í máli og myndum fara fram og hvernig eftirvinnslu þeirra skráninga/ganga er háttað. Unnið verður með gæða- og verkefnastýringarkerfið Ajour.

SKRÁ MIG Nánari upplýsingar

Þetta námskeið er fyrir byggingarmenn sem þurfa að gera öryggis- og heilbrigðisáætlanir fyrir vinnustaði sína. Markmið þess er að þátttakendur afli sér þekkingar á gerð þessara áætlana og geti sjálfir gert þær að loknu námskeiði. Farið er í gegnum helstu þætti og kröfur sem gerðar eru til innihalds öryggis- og heilbrigðisáætlana

SKRÁ MIG Nánari upplýsingar

Á þessu hnitmiðaða vefnámskeiði fer Guðni Jónsson byggingaverkfærðingur yfir mikilvæga þætti í meðferð steypu.

SKRÁ MIG Nánari upplýsingar

Þetta námskeið er fyrir þá sem þurfa að nota vinnuvélar og veitir bókleg réttindi á lyftara með 10 tonna lyftigetu og minna, dráttarvélar með tækjabúnaði og minni gerðir jarðvinnuvéla (4 tonn og undir), körfukrana, steypudælur, valtara, útlagningarvélar fyrir bundið slitlag og hleðslukrana á ökutækjum með allt að 18 tonna lyftigetu. Námskeiðið er fjarnámskeið sem haldið er af Vinnueftirlitinu. Þátttakendur sem skrá sig á heimasíðu Iðunnar eru skráðir hjá Vinnueftirlitinu í síðasta lagi daginn eftir að skráning berst.

SKRÁ MIG Nánari upplýsingar