Alþjóðasamstarf og innlend samstarfsverkefni

Eitt helsta markmið Iðunnar fræðsluseturs er að vera stöðugt í fararbroddi í símenntun iðngreina og stuðla þar með að framþróun í menntamálum sem snerta iðnaðinn og eflingu atvinnulífs. Iðan tekur þátt í ýmiss konar samstarfi, formlegu og óformlegu, við stofnanir, fræðsluaðila og hagsmunasamtök bæði innanlands og erlendis. Tilgangurinn með samstarfinu er að miðla upplýsingum og sérfræðiþekkingu um menntamál í iðnaði, stuðla að nýjungum í námskeiðsframboði og styrkja þróun og framkvæmd verkefna sem Iðan vinnur að hverju sinni.