Iðan fræðslusetur nýtir samfélagsmiðla til að efla upplýsingaflæði og eiga í samskiptum við félagsmenn, hagsmunaaðila og almenning. Á samfélagsmiðlum verður komið á framfæri upplýsingum, útgefnu efni, myndskeiðum, auglýsingum, áherslum og skilaboðum.

Markmið Iðunnar á samfélagsmiðlum er:

• Að styrkja ímynd Iðunnar og upplýsa og auka vitund félagsmanna, fagaðila og almenning um þá fjölbreyttu starfsemi sem þar fer fram.
• Að nota fjölbreyttar leiðir miðlunar til að auglýsa námskeið, fræðslufundi, viðburði og fleira og ná þannig til ólíkra markhópa eftir aldri og áhugasviðum.
• Að hvetja til umræðu um símenntun í iðnaði og skapa vettvang fyrir óformleg samskipti.
• Að ná athygli sem flestra með skemmtilegum skilaboðum og áhugaverðum fróðleik sem tengist iðnaði almennt og námi í iðngreinum.
• Efla ímynd iðnaðar  og iðnnáms í landinu með fréttaflutningi og fróðleik.
• Að fjölga þjónustuleiðum sem notendum standa til boða
  
  

Megináherslur Iðunnar á samfélagsmiðlum eru:

• Að tjá sig á vönduðu, tilbreytingarríku og auðskiljanlegu nútímamáli.
• Að sýna ávallt kurteisi og virðingu. Við treystum á almenna skynsemi og höfum í huga að allt sem fer á netið er opinbert. Trúnaðarmál eru ekki rædd á samfélagsmiðlum.
• Að vera upplýsandi og meðvituð um umræðuna í þjóðfélaginu hverju sinni.
• Að svara öllum ábendingum og skilaboðum eins hratt og kostur er. Ábendingum er svarað í samstarfi við viðeigandi starfsmann.
• Að forðast deilur við þá sem koma með neikvæðar athugasemdir en reyna að halda staðreyndum til haga.
• Að fjarlægja innlegg sem falla ekki að reglum viðkomandi miðils, persónuverndarlögum eða fela í sér meiðandi, niðrandi eða óviðeigandi ummæli um einstaklinga og hópa.
• Að virða friðhelgi og einkalífs fólks.
   

Markhópar Iðunnar á samfélagsmiðlum eru:

• Félagsmenn Iðunnar og eigendur
• Fagfólk í iðnaði
• Almenningur, fjölmiðlar, hagsmunaaðilar og stjórnsýslan.

Ábyrgð á birtingu efnis

Aðalábyrgð á samfélagsmiðlum bera markaðsstjóri og vefritstjóri