Námskeið fyrir mannvirkjahönnuði, sem óska löggildingar Húsnæðis- og mannvirkjastofnunar til að gera aðal- og séruppdrætti sbr. ákvæði 25. og 26. gr. laga um mannvirki nr. 160/2010,  verður haldið í nóvember 2024 og verður námskeiðið í fjarkennslu.

Opnað verður fyrir fyrirlestra þriðjudaginn 5. nóvember kl. 9.00 og verða þeir opnir til 22. nóvember kl. 12.00. Námskeiðinu lýkur með prófi föstudaginn 22. nóvember kl. 9.00 – 12.00.

Námskeiðsgjald er 95.000.- kr. og 60.000.- kr. fyrir þá sem sækja námskeiðið til endurmenntunar án prófs.

Sótt er um þátttöku á námskeiðinu á mínum síðum á heimasíðu Húsnæðis- og mannvirkjastofnunar hms.is.

Fylgigögn með umsókn eru

• Staðfest afrit af prófskírteini umsækjanda
• Staðfesting ráðuneytis um réttindi til starfsheitis
• Vottorð/um 3 ára starfsreynslu, sbr. 1. mgr. 26. gr. laga um mannvirki