List mætir matreiðslu hjá Annie Hesselstad

Viðburðastaðurinn Artipelag í Svíþjóð er stórmerkilegur fyrir margra hluta sakir. Gestir fara á listsýningar og borða veitingar með útsýni yfir Baggensfjärden. Allir eftirréttir, sætindi og brauð eru lagaðir frá grunni og Annie tengir ávallt eftirréttina sem hún býr til við listviðburði og sýningar sem standa yfir hverju sinni.

Hún hefur starfað á veitingastaðnum undanfarin sjö ár og í fastri stöðu sem yfireftirréttakokkur frá árinu 2019 ásamt því að sjá um úrval eftirrétta og kaka á Bådan Café & Pâtisserie sem er á jarðhæð safnsins.

Annie kom til Íslands síðasta vetur á vegum íslenska kokkalandsliðsins til þess að kenna handverkið. Hún hefur vakið mikla eftirtekt fyrir sterkar áherslur á gæði og uppruna hráefnis og skapandi vinnubrögð. Hún var hluti af sænska kokkalandsliðinu sem keppti á Ólympíuleikunum 2016.

Árið 2022 var hún fengin til að hanna eftirréttinn fyrir Nóbelsverðlaunahátíðina í Stokkhólmi og var einmitt um þessar mundir að fást við það verkefni í annað sinn nú í október. Við hittum Annie og ræddum við hana um starfið.