Iðan fræðslusetur
Sveinsbréf afhent á Akureyri
Glæsilegur hópur nýsveina fékk sveinsbréfin sín afhent í Hofi 11. apríl sl.
Hópur nýsveina tók á móti sveinsbréfum sínum við hátíðlega athöfn í Hofi í gær. Alls útskrifuðust nýsveinar úr sjö greinum, en þær eru:
- Framreiðsla
- Matreiðsla
- Málaraiðn
- Húsasmíði
- Bifvélavirkjun
- Vélvirkjun
- Hársnyrtiiðn
Yfir 40 nýsveinar fengu sveinsbréfin sín afhend ásamt gjafabréfi á námskeið hjá Iðunni.
Í hópi nýsveina á Norðurlandi voru tveir einstaklingar með hæstu einkunn á sveinsprófi en það voru þeir: Sigurður Bergmann Sigmarsson sem hlaut hæstu einkunn á sveinsprófi í matreiðslu og Hrannar Marel Birgisson sem var einn af þremur nýsveinum í málaraiðn sem hlutu hæstu einkunn.
Hildur Elín Vignir stjórnaði athöfninni ásamt Heimi Kristinssyni varaformanni Byggiðnar, Bergvini Bessasyni varaformanni FMA, Rúnari Inga Guðjónssyni og Magnúsi Friðrikssyni sem sitja í stjórn MATVÍS.
Við óskum nýsveinum innilega til hamingju með áfangann og bjóðum þá velkomna í hóp fagfólks í iðnaði.
