Sveppir og sveppatínsla
IÐAN fræðslusetur býður upp á sérlega áhugavert námskeið fyrir alla sem vilja fræðast meira um sveppi sem vaxa hér á landi og henta í matargerð.
Nú er sveppatímabilið um það bil að hefjast og í tilefni af því býður IÐAN fræðslusetur upp á sérlega áhugavert námskeið fyrir alla sem hafa áhuga á því að fræðast meira um sveppi sem vaxa hér á landi og henta í matargerð.
Námskeiðið verður haldið laugardaginn 25. ágúst nk og skiptist í tvo hluta:
Í fyrri hluta er fyrirlestur og sýnikennsla í greiningu og frágangi á sveppum en í seinni hlutanum er farið út í skóglendi í verklega kennslu. Þátttakendur fá aðstoð og kennslu við að tína matarsveppi. Þeir greina og hreinsa sveppi. Fjallað er um helstu geymsluaðferðir sveppa og nýtingarmöguleika.