Tvö áhugaverð námskeið með bakarameistaranum James A. Griffin

James A. Griffin mun halda  tvö námskeið fyrir bakara og kökugerðarmenn laugardaginn 13. janúar nk. í Hótel- og matvælaskólanum í Kópavogi. Fyrra námskeiðið kallast Brauð og bakstursvörur, undirbúningur fyrir keppnir og er frá kl. 9 – 11. Seinna námskeiðið er dómaranámskeið fyrir bakara og er frá kl. 12 – 14. Smelltu á námskeiðin fyrir frekari upplýsingar og skráningu á námskeiðin.

James rekur Griffins Bakery í Galway á Írlandi, en bakaríið á sér langa sögu og var stofnað árið 1876 af lang- langafa James sem er sjötti ættliðurinn sem rekur bakaríið. James lauk námi í bakaraiðn árið 1985. Lauk námi í kennslufræði 2014, lauk B.Sc námi í „Baking and Pastry Arts Management“ árið 2015 og M.Sc í „New Product Development and Culinary Innovation“ árið 2016. Hann hefur auk þess tekið fjölda námskeiða tengt faginu. James hefur haldið fjölda „Masters class“ námskeiða tengt bakarafaginu á liðnum árum og verið dómari í alþjólegum keppnum bakara og kökugerðarmanna, skipulagt keppnir fyrir bakra og fl. James er kennari í bakaraiðn í hlutastöðu við Dublin Institute of Technology.

Það er mikill fengur fyrir bakara og kökugerðarmenn að fá James A. Griffin til landsins.