Skráning - Fæðuofnæmi

Markmiðið með námskeiðinu er fræðsla um fæðuofnæmi, alvarleika þess og hvernig tryggja megi góða og holla næringu fyrir þau sem glíma við fæðuofnæmi. Það getur verið flókið að tryggja öruggt fæði og umhverfi fyrir einstakling með fæðuofnæmi. Ljóst er að næringarefni geta orðið af skornum skammti þegar fæðuofnæmi er til staðar og á námskeiðinu er farið yfir hvaða fæðutegundir geta komið í staðinn fyrir mjöl, korn, mjólk, egg, fisk, hnetur o.fl. til að fullnægja orku- og næringarlegum þörfum og skapa fjölbreytni í fæðu barna og fullorðinna. Verklegi hlutinn, seinni daginn, felur í sér eldun og bakstur ýmissa rétta og útfærsla uppskrifta á mismunandi máta eftir því hvaða ofnæmi er um að ræða.