Skráning - Fæðuofnæmi og eldun ofnæmisfæðis - fjarnám

Markmið námskeiðsins er að auka þekkingu á einkennum, algengi og afleiðingum fæðuofnæmis og fæðuóþols. Farið er yfir úrræði og leiðbeiningar í fæðismeðferð og matreiðslu. Námskeiðið skiptist í tvo hluta. Í fyrri hlutanum (1. febrúar) er farið yfir skilgreiningar hugtaka, fjallað um helstu fæðuofnæmis- og óþolsvalda, einkenni og greiningar á ofnæmi og óþoli, um næringu og fl. Kennari er Fríða Rún Þórðardóttir næringarfræðingur og formaður Astma- og ofnæmisfélags Íslands. Í seinni hlutanum (3.febrúar) er fjallað um úrræði í fæðismeðferð og matreiðslu, um merkingu matvæla, vöruval og þætti sem hafa þarf að hafa í huga við matreiðslu fyrir fólk með fæðuofnæmi og fl. Kennari er Selma Árnadóttir varformaður Astma- og ofnæmisfélags Íslands. Lagt er upp úr virku samtali þátttakenda um efni námskeiðsins og deila reynslu og þekkingu þeirra sem vinna í þessum geira sem víðast.