1. Forsíða
2. Frágangur og skoðun prentskjala

Frágangur og skoðun prentskjala

hönnuðir, prentsmiðir, umbúðahönnuðir, umbrotsfólk

Hönnuðir þurfa að skila prentgögnum sem prenthæfum pdf eða Illustrator skjölum við prentun. Því miður er oft misbrestur á frágangi slíkra skjala með tilheyrandi aukakostnað og töfum í framleiðslu.Á þessu námskeiði er farið ítarlega í það hvað fullbúið skjal til prentunar er.Algeng mistök í skilum á prentefni og hvernig má koma í veg fyrir þau. Þá er í hverjum þætti námskeiðsins farið yfir góð samskipti við viðskiptavini. Þrír sérfræðingar koma að námskeiðinu, allir með sérþekkingu á sínu sviði þegar kemur að frágangi prentgagna enda eru áherslar misjafnar eftir því um hvers konar prentgrip er að ræða. 

Farið verður í eftirfarandi þætti: 

1. Undirbúningur á prentverki og skoðun gagna. Grunnatriðin.
2. Undirbúningur á prentun á öskjum og umbúðum úr bylgjupappa. 
3. Litgreining mynda, áhrif pappírs á liti og útlit mynda, upplausn mynda, litablöndur, lakk og sérlitir.
4. Stansateikningar, upphleypingar og gyllingar. 
5. Lokaskoðun prentgagna. Hvað þarf að hafa í huga? Er verkið í samræmi við fyrirliggjandi kostnaðaráætlun. Hvernig á að hátta samskiptum við viðskiptavini til að byggja upp traust og tryggja farsæla framleiðslu.