image description

Raunfærnimat

Raunfærnimat er leið til að meta þá færni og þekkingu sem öðlast má á vinnumarkaði. Matið getur mögulega stytt nám og verið hvatning til að ljúka því. Skilyrði fyrir þátttöku í raunfærnimati eru 23 ára aldur og 3 ára staðfest starfsreynsla í viðkomandi grein. Þessi leið hefur skilað góðum árangri þar sem margir þátttakendur raunfærnimatsins hafa haldið áfram námi og lokið sveinsprófi að loknu matinu.

Raunfærnimat er unnið í samstarfi við Fræðslumiðstöð atvinnulífsins og er gengið út frá að eðlilegt sé að meta færni sem til staðar er óháð því hvernig hennar hefur verið aflað. Mat á raunfærni byggir á þeirri hugmynd að nám sé verðmætt og að það sé skjalfest óháð því hvar þess hefur verið aflað. 

Inntökuskilyrði í raunfærnimat

23 ára aldur og 3 ára starfsreynsla (miðað við fullt starf)

Iðn- og starfsgreinar til mats haustið 2017:

  • Húsasmíði, málaraiðn og pípulagnir
  • Blikksmíði, rennismíði, stálsmíði, vélvirkjun, vélstjórn og málmsuða
  • Ljósmyndun


Raunfærnimatsferlið er í fimm liðum

  1. Kynningarfundur
  2. Finna gögn og koma í viðtal til náms- og starfsráðgjafa
  3. Færnimappa gerð í samstarfi við náms- og starfsráðgjafann
  4. Mat og viðurkenning
  5. Farið yfir niðurstöður. Hvað stendur eftir? Skólaganga skipulögð.

Í kjölfar raunfærnimats getur skipt sköpum fyrir þátttakendur að boðið sé upp á fjölbreyttar námsleiðir til að ljúka námi í greininni sem mat á raunfærni fór fram í og er það í höndum framhaldsskólanna og/eða fullorðinsfræðsluaðila.

Allar nánari upplýsingar um raunfærnimat veita náms- og starfsráðgjafar IÐUNNAR í síma 590 6400 eða radgjof@idan.is.

Greinar sem hafa verið metnar  

Húsasmíði
Málaraiðn
Múriðn
Pípulagnir
Grafísk miðlun
Ljósmyndun (vinnustaðanám)
Prentun
Skrúðgarðyrkja
Hársnyrtiiðn

Aðstoðarþjónn
Bakaraiðn
Framreiðsla
Kjötiðn
Kjötskurður
Matartækni
Matreiðsla
Matsveinn
Slátrun


Blikksmíði
Málmsuða
Netagerð
Rennismíði
Stálsmíði
Vélstjórn
Vélvirkjun
Bifvélavirkjun
Bifreiðasmíði
Bílamálun

“Það skiptir máli persónulega fyrir mitt starfsfólk að vera með réttindi.”Sigurður Leifsson, atvinnurekandi
Hafa samband

Netspjall Fljótleg leið til að hafa samband