Ómótstæðilegir eftirréttir með Ólöfu Ólafsdóttur

Í fyrsta þættinum fáum við til okkar Ólöfu Ólafsdóttur, einn fremsta eftirréttakokk landsins. Ólöf, sem útskrifaðist sem konditor frá ZBC Ringsted í Danmörku árið 2021, hefur unnið til margra verðlauna. Hún sigraði m.a. í keppni um eftirrétt ársins sama ár og hún útskrifaðist. Ólöf fór með íslenska kokkalandsliðinu á Ólympíuleikana í Stuttgart í febrúar síðastliðnum þar sem liðið hlaut tvenn gullverðlaun og hafnaði í þriðja sæti samanlagt. Hún gaf út bókina „Ómótstæðilegir eftirréttir“ árið 2023 en í dag starfar Ólöf sem eftirréttakokkur á veitingastaðnum Monkeys.

Í þættinum deilir Ólöf reynslu sinni og veiti okkur innsýn í heim eftirrétta, ásamt því að ræða um feril sinn og framtíðaráform. Þetta er einstakt tækifæri til að læra af einum besta konditor landsins og fá innblástur fyrir eigin matargerð.