Raunfærnimat
Raunfærnimat er leið til að meta þá færni og þekkingu sem öðlast má á vinnumarkaði. Matið getur mögulega stytt nám og verið hvatning til að ljúka því. Skilyrði fyrir þátttöku í raunfærnimati eru 23 ára aldur og 3 ára staðfest starfsreynsla í viðkomandi grein. Að loknu raunfærnimati er hægt að halda áfram námi og ljúka sveinsprófi.
Ósk um ráðgjöf í raunfærnimati
Iðan fræðslusetur annast raunfærnimat í flestum iðngreinum fyrir utan rafiðngreinar.
Þær greinar sem boðið er upp á raunfærnimat á næstunni eru:
- Bílgreinar: Bifvélavirkjun, bílamálun, bifreiðasmíði.
- Bygginga- og mannvirkjagreinar: Húsasmíði, málaraiðn, múraraiðn, pípulagnir, skrúðgarðyrkja og veggfóðrun- og dúkalögn.
- Matvæla- og veitingagreinar: Bakaraiðn, framreiðsla, kjötiðn, matreiðsla, matsveinn og matartækni.
- Málm- og véltæknigreinar: Blikksmíði, vélstjórn, rennismíði, stálsmíði, vélvirkjun og veiðarfæratækni.
- Prent- og miðlunargreinar: Grafísk miðlun, prentiðn, ljósmyndun.
- Hársnyrtiiðn.
Sækja um raunfærnimat
Raunfærnimat er þeim sem hafa ekki lokið námi úr framhaldsskóla að kostnaðarlausu en aðrir greiða fyrir það.
Hér er hægt að fá frekari upplýsingar um kostnað í raunfærnimati.
Allar nánari upplýsingar um raunfærnimat veita náms- og starfsráðgjafar Iðunnar í síma 590 6400 eða radgjof(hjá)idan.is.
Raunfærnimatsferlið:
- Umsókn og gögnum skilað
- Náms- og starfsráðgjafi hefur samband við umsækjanda
- Umsækjandi metur þekkingu sína með því að svara sjálfsmatslistum
- Matssamtal hjá fagaðila og niðurstöður skráðar
- Náms- og starfsráðgjöf varðandi næstu skref
Raunfærnimat er unnið í samstarfi við Fræðslumiðstöð atvinnulífsins og er gengið út frá að eðlilegt sé að meta færni sem til staðar er óháð því hvernig hennar hefur verið aflað. Mat á raunfærni byggir á þeirri hugmynd að nám sé verðmætt og að það sé skjalfest óháð því hvar þess hefur verið aflað.
