Snyrtifræði er löggilt iðngrein. Meginmarkmið námsins er að veita almenna, faglega undirstöðumenntun í greininni, auka færni nemenda í meðferð snyrtivara og beitingu áhalda og tækja og gera nemendur færa um að veita þá alhliða þjónustu sem í boði er á snyrtistofum.

Meðalnámstími er þrjú til fjögur ár, samtals sex annir í skóla og 40 vikna starfsþjálfun.

Námið er alls 152 einingar og lýkur með sveinsprófi er veitir rétt til starfa í iðninni og til inngöngu í nám til iðnmeistaraprófs.

• Ferilbók í snyrtifræði
• Umsókn um námssamning
• Eyðublað fyrir vinnuvottorð vegna námssamnings
• Eyðublað vegna riftunar námssamnings

Eftir burtfararpróf frá skóla og að loknu vinnustaðanámi öðlast neminn rétt til að taka sveinspróf sem leiðir til starfsréttinda í snyrtifræði og síðar meir til meistaranáms.

Fyrirtæki með nemaleyfi í snyrtifræði:

Nám í hársnyrtiiðn er samningsbundið iðnnám. Meðalnámstími er 3,5 ár, samtals 167 einingar, að vinnustaðanámi meðtöldu. Námið skiptist í almennt bóklegt nám og verklegt nám í skóla sem fer fram á fimm námsönnum. Nemendur byrja á að taka tvær samfelldar námsannir í skóla og hefja að því loknu starfsþjálfun á vinnustað. Vinnustaðanám er 52 fullar vinnuvikur fyrir utan lögbundin frí og skal nemi gera áætlun um það í samráði við vinnuveitanda og skóla hvernig best er að flétta saman námsönnum í skóla og starfsþjálfun á vinnustað. 

• Reglugerð um námssamning
• Ferilbók í hársnyrtiiðn

Eftir burtfararpróf frá skóla og þegar vinnustaðanámi er lokið öðlast neminn rétt til að taka sveinspróf sem leiðir til starfsréttinda í hársnyrtiiðn og til inngöngu í meistaranám.

Fyrirtæki með nemaleyfi í hársnyrtiiðn: