Iðan fræðslusetur
Nú klárar þú sveinsprófið!
Raunfærnimati er ætlað að meta þá færni og þekkingu sem þú hefur öðlast í starfi og getur mögulega hjálpað þér að ljúka iðnnámi.
Raunfærnimat er leið til að meta þá færni og þekkingu sem öðlast má á vinnumarkaði. Matið getur mögulega stytt nám og verið hvatning til að ljúka því. Skilyrði fyrir þátttöku í raunfærnimati eru 23 ára aldur og 3 ára staðfest starfsreynsla í viðkomandi grein. Þessi leið hefur skilað góðum árangri þar sem margir þátttakendur raunfærnimatsins hafa haldið áfram námi og lokið sveinsprófi að loknu matinu.
Áformað er að raunfærnimat fari fram í eftirfarandi iðn- og starfsgreinum vorið 2018:
- húsasmíði og múraraiðn
- bifvélavirkjun, bifreiðasmíði og bílamálun
- matreiðsla og matartækni
- netagerð
- skrúðgarðyrkja
Inntökuskilyrði í raunfærnimat:
23 ára aldur og 3 ára reynsla úr viðkomandi grein, miðað við fullt starf (staðfest með opinberum gögnum t.d. lífeyrissjóðsyfirlitum)
Nánari upplýsingar um raunfærnimat má finna hér á vefnum eða í síma 590 6400.
