Skráning - Eldsmíði

Nemandi skal hafa öðlast þekkingu og skilning á: Mismunandi gerðum eldsneytis s.s. viðarkolum, steinkolum og koxi. Helstu verkfærum og tækjum sem notuð eru við eldsmíði s.s. steðjum, hömrum, töngum og öðrum algegnum verkfærum. Msmunandi yfirborðsmeðferðum á stáli. Siðum og venjum í eldsmiðju. Nemandi skal hafa öðlast leikni í að: Nota helstu verkfæri eldsmiðjunnar s.s. hamra, tangir, afl og steðja.n. Nota helstu aðferðir við vinnslu járns á steðja, t.d. þar sem járn er slegið fram, stúkkað, flatt út og sveigt með hjálp hans. Kljúfa með meitl . Gata með dór. Nota helstu hersluaðferðir á stáli s.s. með vatni eða olíu. Nemandi skal geta hagnýtt þá almennu þekkingu og leikni sem hann hefur aflað sér til að: þekkja mismunandi útfærslur á eldstæði, þ.e.a.s. hvernig aflinn er uppbyggður, hvernig honum er stjórnað með loftblæstri og hvernig hann er gjallhreinsaður á meðan vinnslu stendur. þekkja vinnsluhæfni stálsins miðað við lit og hitastig þess. Geta beitt mismunandi aðferðum við herslu stáls út frá notagildi og tegund efnis. Kveikja upp, stjórna orkuþörf aflsins og vinnslumáta. Smíða einfalda hluti líkt og gaffal, hanka, kertastjaka eða annað sem kemur til huga. Kennarar eru Björn J. Sighvatz og Karitas S Björnsdóttir. Ath nemendur munu fá nýja kennslubók í eldsmíði.