1. Forsíða
2. Betri fjármál fyrir þig - einstaklingsmiðuð þjálfun í persónulegum fjármálum

Betri fjármál fyrir þig - einstaklingsmiðuð þjálfun í persónulegum fjármálum

Allir

Námskeiðið stuðlar að því að snúa fjármálum þátttakenda úr viðbrögðum við aðstæðum (e. reactive) í fyrirbyggjandi markmið í fjármálum (e. proactive).

Þátttakendur öðlast verkfæri til að taka stjórn á daglegu lífi og fjármálum með yfirsýn og markmiðum. Vinnubók er innifalin í námskeiðsverði.

Á námskeiðinu er lögð megináhersla á hjálp til sjálfshjálpar í fjármálum. Þátttakendur fara sjálfir yfir stöðu sína og finna sínar eigin raunhæfu lausnir á aðstæðum, setja sér eigin markmið og vinna að þeim í samvinnu og með stuðningi ráðgjafa. Þátttakendur læra skipulag og aga í fjármálum og geta á stuttum tíma séð og upplifað ávinning vinnu sinnar.Ávinningurinn er aukin sjálfstjórn og skipulag sem hefur jákvæð áhrif á fleiri þætti daglegs lífs.

Kennslan fer fram á tveimur kvöldum. Fyrra námskeiðskvöldið er þriggja klukkustunda langt. Um fjórum vikum síðar er klukkustundar eftirfylgni og er þá gert ráð fyrir að þátttakendur hafi lokið við vinnubókina.